Azərbaycan Qida Təhlükəsizliyi İnstitutu is focused on ensuring effective organization of food safety to protect the health and lives of people.

Azərbaycan Qida Təhlükəsizliyi İnstitutu

Azerbaijan Food Safety Institute | 6,983 followers on LinkedIn. Azərbaycan Qida Təhlükəsizliyi İnstitutu | Azərbaycan Qida Təhlükəsizliyi İnstitutu - publik hüquqi şəxs (bundan sonra – İnstitut) “Azərbaycan Respublikası Qida Təhlükəsizliyi Agentliyinin fəaliyyətinin təmin edilməsi haqqında” Azərbaycan Respublikası Prezidentinin 2017-ci il 13 noyabr tarixli 1681 nömrəli Fərmanına əsasən yaradılan və qida təhlükəsizliyi sahəsində elmi-praktiki araşdırmaların aparılmasını, elmi prinsiplərə əsaslanan risk qiymətləndirilməsini, qida təhlükəsizliyi sahəsində texniki normativ hüquqi aktların layihələrinin hazırlanmasını və aidiyyəti üzrə təqdim edilməsini, qida məhsullarına dair digər beynəlxalq standartların qida məhsullarının istehsalçıları tərəfindən könüllü tətbiqinin təmin edilməsini, qida məhsullarının təhlükəsizliyi göstəriciləri üzrə tədqiqat xidmətlərinin göstərilməsini həyata keçirən Azərbaycan Respublikası Qida Təhlükəsizliyi Agentliyinin (bundan sonra – Agentlik) strukturuna daxil olmayan tabeliyindəki qurumdur

Senior Microbiologist at AZERBAIJAN FOOD SAFETY INSTITUTE

Arif Rzayev

Procurement Supervisor – Capital Construction and Supply Department of the Ministry of Education

Anar GASIMOV

Chief of Department/Safety Coordinator/Quality control

Konul Guliyeva

Head of Administration at Azerbaijan Food Safety Institute

Xalid Bayramli

Azerbaijan Food Safety Institute

AQTİ-nin regional laboratoriyası iki beynəlxalq səriştəlilik sınağında uğurlu nəticə əldə edib Qida təhlükəsizliyi sahəsində laboratoriya sisteminin inkişafı ilə bağlı Azərbaycan Qida Təhlükəsizliyi İnstitutunun (AQTİ) laboratoriyalarının maddi-texniki bazasının gücləndirilməsi və modernləşdirilməsi istiqamətində mütamadi olaraq tədbirlər həyata keçirilir. Laboratoriyalarda qabaqcıl texnologiyaların tətbiqi, səriştəlilik bacarıqlarının artırılması məqsədi ilə kadrların mütəmadi olaraq ölkədə və xaricdə keçirilən təlimlərdə, beynəlxalq və laboratoriyalararası qarşılaşdırma sınaqlarında iştirakı təmin edilir. Həyata keçirilən tədbirlər çərçivəsində AQTİ-nin Analitik Ekspertiza Mərkəzinin Lənkəran Regional Sınaq Laboratoriyası (LRSL) İngiltərənin “LGC standard” şirkəti tərəfindən təşkil olunan yulaf nümunəsində salmonellanın və “Fapas” şirkətinin keçirdiyi su nümunəsində ümumi codluğun təyini üzrə beynəlxalq səriştəlik sınaqlarında yüksək nəticə əldə edib. Qeyd edək ki, LRSL-də qida məhsullarının keyfiyyət və təhlükəsizlik göstəricilərinin müəyyənləşdirilməsi, bitki və bitkiçilik məhsullarında zərərli orqanizmlərin aşkarlanması, molekulyar bioloji (PZR muayinələr) və GMO müayinələrin aparılması, eyni zamanda heyvan sağlamlığı üzrə infeksion xəstəliklərin diaqnostikası həyata keçirilir. Laboratoriya AZS ISO/İEC 17025:2020 “Sınaq və kalibrlənmə laboratoriyalarının səlahiyyətliliyinə dair ümumi tələblər” standartına əsasən Azərbaycan Akkreditasiya Mərkəzi tərəfindən akkreditasiya edilib.

AQTİ sahibkarlıq subyektlərinin əməkdaşlarının məlumatlandırılması istiqamətində işləri davam etdirir Azərbaycan Qida Təhlükəsizliyi İnstitutu (AQTİ) ölkəmizdə qida təhlükəsizliyi sahəsində fəaliyyət göstərən sahibkarlıq subyektlərinin işinin mövcud qanunvericiliyin və beynəlxalq standartların tələblərinə uyğun təşkili məqsədilə mütəmadi olaraq təlimlər keçirir. AQTİ-nin Təlim Mərkəzi tərəfindən sahibkarlıq subyektlərinin əməkdaşları üçün növbəti təlim “Qida sahəsində gigiyena tələbləri” mövzusunda təşkil edilib. “Qida təhlükəsizliyi haqqında” Azərbaycan Respublikasının Qanununa uyğun olaraq keçirilən təlim iştirakçılara müəssisələrin fəaliyyətinin qanunvericiliyin və sanitariya-gigiyena qaydalarının tələbləri çərçivəsində təşkil edilməsi üçün zəruri məlumatlar vermək məqsədilə keçirilib. Təlimdə sahibkarlıq subyektlərinin əməkdaşları “Qida təhlükəsizliyi haqqında” Qanun və bu Qanundan irəli gələn tələblər haqqında ətraflı məlumatlandırılıb. İştirakçılara müəssisələrdə qida məhsullarının qəbulu, emalı, saxlanması, daşınması zamanı gigiyena qaydalarının tətbiqi, eləcə də təhlükəli amillər, çirklənmə növləri və digər məsələlər barədə məlumat verilib. İnteraktiv formada təşkil edilən təlimin sonunda müzakirələr aparılıb və iştirakçıların mövzu ilə bağlı bilik səviyyəsi qiymətləndirilib. Qeyd edək ki, qanunvericiliyə əsasən, qida subyektlərinin qida məhsulları ilə bilavasitə təmasda olan əməkdaşları gigiyenik təlimlərə cəlb olunmalıdırlar. Bu tələbə əməl edilməməsi Azərbaycan Respublikasının Qida Təhlükəsizliyi Agentliyi tərəfindən keçirilən monitorinq və yoxlamalar zamanı uyğunsuzluq kimi qiymətləndirilir. Xatırladaq ki, AQTİ-nin Təlim Mərkəzi tərəfindən “Qida sahəsində gigiyena tələbləri” və digər mövzularda keçirilən təlimlərdə iştirak etmək istəyən sahibkarlıq subyektləri "1003-Çağrı Mərkəzi"nə zəng edə bilərlər.

#Qidanınnəbzi - Qida məhsulunun üzərindəki etiketi oxumaq niyə vacibdir?

AQTİ-nin mütəxəssisləri Naftalanda təlim, qiymətləndirmə və məsləhət xidmətləri həyata keçirib Azərbaycan Qida Təhlükəsizliyi İnstitutu (AQTİ) ölkəmizdə qida təhlükəsizliyi sahəsində fəaliyyət göstərən sahibkarlıq subyektlərinin işinin mövcud qanunvericiliyin və beynəlxalq standartların tələblərinə uyğun təşkili məqsədilə müvafiq tədbirlər həyata keçirir. Bu çərçivədə AQTİ-nin mütəxəssisləri tərəfindən Naftalan şəhərində yerləşən “Garabagh Resort & Spa” hotelində 4 gün ərzində HACCP (Təhlükənin Analizi və Kritik Nəzarət Nöqtələri) mövzusunda təlim, qiymətləndirmə və məsləhət xidmətləri həyata keçirilib. Hotelin əməkdaşlarına HACCP-nin ictimai iaşə müəssisələrində düzgün tətbiq edilməsinə, idarəolunmasına, bu sistemlə bağlı qanunvericiliyin tələblərinə və müvafiq sənədlərin hazırlanmasına dair təlimlər keçirilib. Həmçinin hotelin qida blokunun saxlama anbarlarının, mal qəbulu, mətbəx və emal sahələrinin HACCP prinsiplərinə uyğunluğu qiymətləndirilib, müvafiq məsləhətlər verilib. Xidmətlər zamanı mövzu ətrafında müzakirələr aparılıb, iştirakçıların sualları cavablandırılıb. Qeyd edək ki, AQTİ tərəfindən həyata keçirilən təlim, qiymətləndirmə və məsləhət xidmətlərindən istifadə etmək istəyən sahibkarlıq subyektləri "1003-Çağrı Mərkəzi"nə zəng edə bilərlər.

ℹ AQTİ halal sertifikatlaşma xidməti təklif edir 📑 Halal uyğunluq sertifikatlaşması qida məhsullarının İslam qaydalarına uyğun istehsal və istehlaka hazır olduğunu göstərən xidmət növüdür 🛡 Müraciət, müqavilə, qiymətləndirmə və sertifikatlaşdırma mərhələlərindən ibarətdir 📂 Halal sertifikatlaşma prosesi 4 kateqoriya üzrə aparılır 🌐 Beynəlxalq tanınma statusuna malikdir Daha ətraflı: 👇

AQTİ ictimai iaşə obyektlərində reytinq (ulduz) sisteminin tətbiqi ilə bağlı videoçarx hazırlayıb Azərbaycan Qida Təhlükəsizliyi İnstitutu (AQTİ) tərəfindən qida sahəsində fəaliyyət göstərən ictimai iaşə obyektlərində reytinq (ulduz) sisteminin tətbiqinə başlanması ilə bağlı videoçarx hazırlanıb. Videoçarxda reytinq təsnifatının aparıldığı 3, 4, 5 ulduz, hər bir ulduz sayı üçün əməl edilməli olan tələblər və ulduza sahib olmağın üstünlükləri barədə ətraflı məlumat verilib. Eyni zamanda vurğulanıb ki, ictimai iaşə obyektlərinin risk göstəriciləri əsasında reytinqinin müəyyənləşdirilməsi sahibkarların könüllü müraciətinə əsasən həyata keçirilir. Bunun üçün sahibkarlar info@afsi.gov.az elektron poçtu vasitəsilə AQTİ-yə rəsmi müraciət etməlidirlər. Müraciət İnstituta daxil olduqdan sonra 30 gün ərzində ictimai iaşə obyektində yoxlama aparılır. 10 iş günü müddətində isə sahibkarlara nəticələr haqqında rəsmi bildiriş göndərilir. Nəticələrə uyğun olaraq, ictimai iaşə obyektləri 1 il müddətinə müvafiq sertifikatla təmin edilir.

#Qidanınnəbzi - Qida məhsullarının qablaşdırılmasında marketinq həlləri

Halal sertifikatı necə əldə olunur? Məlumat verir Qida Təhlükəsizliyi İnstitutunun Keyfiyyətə nəzarət departamentinin müdiri Vüqar İsmayılzadə.

AQTİ-nin laboratoriyası üç beynəlxalq səriştəlilik sınağında on bir parametr üzrə uğurlu nəticə əldə edib Qida təhlükəsizliyi sahəsində laboratoriya sisteminin inkişafı ilə bağlı Azərbaycan Qida Təhlükəsizliyi İnstitutunun (AQTİ) laboratoriyalarının maddi-texniki bazasının gücləndirilməsi və modernləşdirilməsi istiqamətində mütəmadi olaraq tədbirlər həyata keçirilir. Həmçinin laboratoriyalarda qabaqcıl texnologiyaların tətbiqi, səriştəliliyin artırılması üçün kadrların təlimlərdə və beynəlxalq laboratoriyalararası səriştəlilik sınaqlarında iştirakı təmin edilir. Həyata keçirilən tədbirlər çərçivəsində AQTİ-nin Abşeron Regional Sınaq Laboratoriyası (ARSL) İngiltərənin ”LGC standard” şirkətinin yulaf nümunəsində salmonella, “Fapas” şirkətinin isə alkoqolsuz içki nümunəsində benzoy turşusu, sorbin turşusu, pH, briks və içməli su nümunəsində xlorid, sulfat, ümumi codluq, qələvilik, kalsium və maqnezium parametrlərinin təyini üzrə keçirdiyi beynəlxalq səriştəlilik sınaqlarına qatılıb. Laboratoriya qeyd olunan üç səriştəlilik sınağı üzrə sadalanan on bir parametrdə uğurlu nəticə əldə edib. Qeyd edək ki, ARSL bundan əvvəl də Böyük Britaniyanın ”LGC standard” və “Fapas”, eləcə də Fransanın “Bipea” şirkətləri tərəfindən təşkil olunan beynəlxalq laboratoriyalararası səriştəlilik sınaqlarında yüksək nəticələr əldə edib. Bu laboratoriyada qida məhsullarının keyfiyyət və təhlükəsizlik parametrlərinə uyğun mikrobioloji, fiziki-kimyəvi və cihaz müayinələri aparılır. ARSL AZS ISO/IEC 17025:2020 “Sınaq və kalibrlənmə laboratoriyalarının səlahiyyətliliyinə dair ümumi tələblər" standartına əsasən Azərbaycan Akkreditasiya Mərkəzi tərəfindən akkreditasiyadan keçirilib.

AQTİ tərəfindən qida sahəsində gigiyena tələblərinə dair keçirilən təlimlərdə 2840 nəfər iştirak edib Azərbaycan Qida Təhlükəsizliyi İnstitutunun (AQTİ) Təlim Mərkəzi tərəfindən “Qida sahəsində gigiyena tələbləri” mövzusunda təşkil olunan təlimlərdə müvəffəqiyyət qazanan sahibkarlıq subyektlərinin əməkdaşlarına sertifikatların təqdim olunması ilə bağlı növbəti görüş keçirilib. Tədbirdə bildirilib ki, qida sahəsində gigiyena tələblərinə dair təlimlərə cəlb olunanların sayı artmaqdadır. Bu ilin ötən dövründə sözügedən təlimlərdə 417 qida subyektinin 2840 əməkdaşı iştirak edib. Onlardan 2361-i uğurlu, 479-u uğursuz nəticə əldə edib. Həmçinin vurğulanıb ki, “Qida təhlükəsizliyi haqqında” Azərbaycan Respublikasının Qanununa uyğun olaraq keçirilən təlimlər iştirakçılara müəssisələrin fəaliyyətinin qanunvericiliyin və sanitariya-gigiyena qaydalarının tələbləri çərçivəsində təşkil edilməsi üçün zəruri məlumatlar vermək məqsədilə keçirilir. Təlimlərdə sahibkarlıq subyektlərinin əməkdaşları “Qida təhlükəsizliyi haqqında” Qanun və bu Qanundan irəli gələn tələblər haqqında ətraflı məlumatlandırılır. İştirakçılara müəssisələrdə qida məhsullarının qəbulu, emalı, saxlanması, daşınması zamanı gigiyena qaydalarının tətbiqi, eləcə də təhlükəli amillər, çirklənmə növləri və digər məsələlər barədə məlumat verilir. İnteraktiv formada təşkil edilən təlimlərin sonunda iştirakçıların mövzu ilə bağlı bilik səviyyəsi testlərlə qiymətləndirilir və sertifikatlaşdırılır. Görüşdə daha sonra qiymətləndirmələr zamanı yüksək nəticə göstərən sahibkarlıq subyektlərinin əməkdaşlarına sertifikatlar təqdim edilib. Sertifikata layiq görülən sahibkarlıq subyektlərinin əməkdaşları təlimlərin təşkilinə görə AQTİ-yə təşəkkür edib, qazandıqları bilikləri təmsil olunduqları müəssisələrdə tətbiq edəcəklərini vurğulayıblar. Qeyd edək ki, qanunvericiliyə əsasən, qida subyektlərinin qida məhsulları ilə bilavasitə təmasda olan əməkdaşları gigiyenik təlimlərə cəlb olunmalıdırlar. Bu tələbə əməl edilməməsi Azərbaycan Respublikasının Qida Təhlükəsizliyi Agentliyi tərəfindən keçirilən monitorinq və yoxlamalar zamanı uyğunsuzluq kimi qiymətləndirilir. Xatırladaq ki, AQTİ-nin Təlim Mərkəzi tərəfindən “Qida sahəsində gigiyena tələbləri” və digər mövzularda keçirilən təlimlərdə iştirak etmək istəyən sahibkarlıq subyektləri "1003-Çağrı Mərkəzi"nə zəng edə bilərlər.

GOV

AZ:GOV:AFSI

Azərbaycan Qida Təhlükəsizliyi İnstitutu